ætla reyna að bæta mig í....

.....blogginu , ég hef verið alveg ofboðslega rólegur í því að blogga undanfarin mánuð en ætla  að reyna að bæta úr því næstu daga.

Eiríkur var flottur en .....

Eiríkur stóð sig mjög vel í kvöld og var landi og þjóð til mikils sóma. Flutningur hans og íslenska hópsins var flottur í alla staði.

Þannig er nú að ég er staddur í Póllandi  þar sem þing FIBA-Europe  ( samband evrópskra körufknattleikssambanda ) hefst nú fyrramálið og eru 50 þjóðir frá Evrópu komnar saman hér. Eins  og sönnum Íslendingum sæmir þá vorum við spenntir að sjá okkar mann og ræddum þetta yfir kvöldverðinum að við værum að fara að horfa á Eurovison - það kom mér svo sem ekkert á óvart en fulltrúar allra hinar þjóðanna vissu ekki einu sinni að þessi keppni væri í kvöld. Ég var nú samt frekar móðgaður að enginn hafi vitað að við værum að fara að tefla fram Eiríki Haukssyni!!!  Svo fór ég að ræða við starfsfólkið hér á hótelinu og það vissi ekki heldur þessi keppni væi gangi samt var Pólland að keppa í kvöld. Þannig að það er nú bara þannig eins og ég hafði svo sem vitað að þessi keppni er nú ekkert hátt skrifuð hjá fólkinu hér í Evrópu.....

Ég ítreka samt að Eiríkur stóð sig vel og var landi og þjóð til sóma og hefði svo sannarlega átt að komast áfram

ÁFRAM ÍSLAND!!!!!! 

Ísland komst ekki í úrslit Eurovision

gagnrýni mín á stjórnmálaflokkanna

Þar sem margir hafa haft samband við mig undanfarna daga og rædd við mig gagnrýni mína á stjórmálaflokkana í ræðu minni á ársþingi KKí þá set ég hér þann hluta ræðunnar fyrir ykkur sem ekki hafið lesið hana.   Þeir sem vilja lesa ræðuna alla geta það hér

 "Núverandi ríkisstjórn og menntamálaráðherra hafa áttað sig á því að sérsamböndin og landsliðsstarf skipta máli fyrir samfélagið og hafa því aukið fjárveitingar til íþróttamála og er það þakkarvert. Betur má ef duga skal, þeir fjármunir sem KKÍ fær frá ríkisvaldi eru sáralitlir miðað við þörfina. Í því samhengi má benda á að KKÍ er rekið að stærstum hluta fyrir sjálfsaflafé. Þessu er öfugt farið á norðurlöndunum, þar sem sérsambönd eru rekin að mestum hluta fyrir opinbert fé. Á tyllidögum og rétt fyrir kosningar eru stjórnmálamenn á þeirri skoðun að íþróttir og afreksmenn í íþróttum sé nauðsynlegur partur af því að vera þjóð á meðal þjóða og að forvarnargildið sé ótvírætt. Af hverju hafa stjórnmálamenn ekki stigið stærri og hraðari skref í átt til okkar í íþróttahreyfingunni og okkar sérsambandanna og veitt myndarlegt fjármagn af ríkisfé til að hægt sé halda úti eðlilegu landsliðsstarfi? Ég hvet stjórnmálamenn okkar til þess að standa saman að því að auka til muna framlag ríkisins til íþróttamála og sérsambanda og stórt skref væri stigið ef landslið sérsambanda innan ÍSÍ fengju frekari fjármuni úr ríkisjóði."

óþarfa áhyggjur

ég held að íbúar Árbæjarhverfis geti nú alveg andað rólega þrátt fyrir að mótorhjólaverslun sé komin í hverfið þeirra. Mjög líklega mun umferð mótirhjóla aukast í hverfinu en afhverju ættu þeir að fara að gera "kúnstir" þar eitthvað meir en vanalega þegar verslun er komin á svæðið?  Mér finnst þetta bera vott um ákveðna fordóma í garð mótorhjólamanna og vona svo sannarlega að mótorhjólamenn sem og aðrir í umferðinni fari varlega allstaðar ekki bara í Árbæ. 

Íbúar í Árbæ hræddir við mótorhjólatöffara

flott hjá snillingunum þrem Rúnari, Jóni og Bjarna

Núna um nýliða helgi fór fram ársþing KKÍ en það var haldið á Flúðum. Fjöldi þingfulltrúa var færri en oft áður en þeir sem mættu stóðu sig mjög vel því störf þingsins voru mjög góð, miklar umræður og fólk að skiptast á skoðunum.  Ýmis mál voru samþykkt á þinginu og bendi ég áhugasömum á að kíkja á kki.is til þess að skoða samþykktir þingsins. 

Ein af þeim nýungum sem við stóðum fyrir var að allar samþykktir þingsins og atvæðagreiðslur voru beint á heimasíðunni, þannig gátu fjölmiðlar og áhugamenn um körfuna fylgst með óháð því hvar þeir voru staddir í heimunum.  Það besta við þettta allt saman að þetta var sett inn á kki.is frá Danmörku , Rúnar Birgir snillingur með meiru var í beinu sambandi við Jón Björn á karfan.is sem var á Flúðum og Bjarna Gauk stjórnarmann KKí. Það var gaman að fylgjast með þessu, tveir á Flúðum á MSN í sambandi við Rúnar og svo setti Rúnar þetta inn á kki.is. Frábær vinna hjá Rúnari Birgi, Bjarna Gauk og Jón Birni, mér er til efs að að nokkurt sérsamband hafi áður verið með svona gott upplýsingaflæði frá ársþingi.

Það voru margir hjólandi í morgun

Það var mjög gaman að sjá í morgun hvað margir fóru hjólandi í vinnuna þrátt fyrri að það hafi verið rigning. Þetta átak er mjög þarft og gaman að sjá hvað mörg fyrirtæki leggja mikinn metnað í þetta með sínum starfsmönnum. Ég verð samt að viðurkenna það að ég fór á bílnum í morgun og mun halda því áfram - ég veit að ég hefði mjög gott af því að fara að hjóla en svona er maður nú latur og góðu vanur að hoppa beint upp í bílinn og aka af stað.

Einhverjir hafa skrifað athugasemdir um að stjórnmálamenn hafi mætt þarna þar sem stutt væri til kosninga. Það er alls ekki rétt og fjöldi stjórnálamanna í morgunn við upphaf þessa átaks hefur ekkert með alþingiskosningar að gera. Stjórnmálamenn hafa mætt undanfarinn ár við upphaf þess átaks og er ég ánægðru með  stuðning þeirra við átak  sem þetta.

Ráðherrar á reiðhjólum

Tær snilld

Þetta var frábær sigur í kvöld hjá mínum mönnum í Liverpool , spennnustigið var orðið mikið á heimilinu þegar vítaspyrnukeppnin stóð sem hæst....ég held að það verði Man U. sem muni  mæta Liverpool í Aþenu þann 23.mai nk. Áfram Liverpool

Liverpool í úrslitaleik Meistaradeildar Evrópu

svör stjórnmálaflokkanna

Íþrótta- og Ólympíusamband Íslands sendi fjórar spurningar á þá stjórnmálaflokka sem nú eru að bjóða fram til  Alþingis. Núna eru flokkarnir búnir að svara þessum spurningum á og hægt er að sjá þessi svör hér á heimasíðu ÍSÍ. Ég hvet sem flesta að kynna sér þetta.

Að loknu lokahófi

Það var svo sannarlega frábært lokahóf okkar körfuboltamanna á laugardagskvöldið, Björgvin Franz Gíslason fór svo sannarlega á kostum sem veislustjóri , Halli og hans fólk framreiddu frábæran mat , Sálin hans Jóns míns lék af sinni stakri snilld. 

Það voru þrír einstaklingar sem lögðu mikið á sig til þess að gera þetta hóf svona glæsilegt en það voru þeir Friðrik Ingi Rúnarsson framkvæmdastjóri KKÍ , Erlingur Hanneson sem er í stjórn KKÍ og Pétur R.Guðmundsson úr Grindavík. Ég skrifaði pistil inn á  KKÍ síðuna um lokahófið okkar, þetta var eitt besta og vel heppnaðasta lokahóf sem KKÍ hefur staðið fyrir. Ég set hér inn greinina sem ég skrifaði: 

Nú á laugardagskvöldið var haldið eitt glæsilegasta lokahóf sem KKÍ hefur stað fyrir. Stemningin á hófinu var engri lík og hef ég sjaldan verið vitni að annarri eins skemmtun og gleði. Uppselt var á hófið nokkrum dögum fyrir, en það er í fyrsta skipti í sögunni og hefði hæglega verið hægt að selja mun fleiri miða, áhuginn var það mikill.
Þarna var samankominn fjöldinn allur af fólki úr hreyfingunni ásamt samstarfsaðilum sambandsins og gaman var að finna samstöðuna hjá öllu þessu fólki. Einu besta keppnistímabili í manna minnum er nú nýlokið og með álíka samstöðu og á lokahófinu eru okkur allir vegir færir. Nú setjum við stefnuna á að gera næsta keppnistímabil enn betra – það verður erfitt, en með samstöðu okkar og vilja þá mun okkur takast það, ég er sannfærður um það.

Mig langar hér í þessum pistli að fá að þakka nokkrum aðilum fyrir þeirra framlag til þessa frábæra lokahófs

Björgvin Franz Gíslason fór hreinlega á kostum sem veislustjóri þar sem hann gerði góðlátlegt grín af mörgum okkar í körfuboltaheiminum, X-Factor keppnin sem hann stóð fyrir tókst virkilega vel og varð mikil stemning í salnum á meðan lög eins og Gleðibankinn og Eitt lag enn voru sungin af mikilli innlifun lokahófsgesta. Rúsínan í pylsuendanum var svo þegar Björgvin brá sér í gervi margra af okkar bestu söngvurum.

Veitingarnar sem bornar voru fram af Haraldi Helgasyni og hans fólki hjá HH-veitingum voru mjög góðar og margir höfðu á orði að betri mat hafði það ekki smakkað í lengri tíma. Þá var sama hvort talað var um forréttinn, aðalréttinn eða eftirréttinn.

Þá er komið að þeim þremur einstaklingum sem báru hitann og þungann að skipulagningu þessa besta lokahófs í sögu sambandsins. Friðrik Ingi, Erlingur Hanneson og Pétur R. Guðmundsson fá mínar bestu þakkir fyrir þá miklu vinnu sem þeir lögðu á sig til þess að lokahófið gæti orðið eins glæsilegt og skemmtilegt og raunin varð.

Einnig þakka ég Iceland Express, Landsbankanum, Hitaveitu Suðurnesja, Danól og Blómaval fyrir þeirra þátt í lokahófinu.

Síðast en ekki síst þakka ég síðan öllum þeim sem mættu í Stapann og tóku þátt í þeirri miklu gleði sem var hjá okkur á laugardagskvöldið.

Áfram körfubolti!

Hannes S.Jónsson
Formaður KKÍ

söknuður af Félagsheimilinu

Þótt að ég sé nú fluttur úr Kópavoginum þá þykir mér alltaf vænt um Kópavoginn og læt alla þá sem vilja vita að ég sé Kópavogsbúi þrátt fyrir að ég búi í Reykajvík  því brá mér við að lesa þessa frétt að nú eigi að rífa gamla góða Félagsheimilið.  Þarna hefur ýmislegt farið fram sem snertir sögu míns gamla heimabæjar. En svona er þetta allt er breytingum háð og skil vel að nýta þurfi húsnæði undir aðra starfsemi. Nú er komið mikið af góðum sölum í Kópavogi sem hægt er að nota og leysir af Félagsheimilið.

Eitt var það sem gladdi mig mikið í þessari frétt en það var rædd m.a. um UBK þessi gamla góða skammstöfun stóð fyrir Ungmennafélagið Breiðablik Kópavogi og var þessi skammstöfun felld út fyrir um 10-12árum síðan.  Það eru margar góðar minningar sem maður á með UBK - þetta var bara snilld að lesa þetta.

Félagsheimili Kópavogs lagt niður - Barn síns tíma segir bæjarstjórinn