Ég hvet alla að til að fylgjast vel með íslensku liðunum á kki.is og karfan.is

ÁFRAM ÍSLAND!!!

Það verður gaman fyrir þá félaga að hafa með sér öflugan stuðningshóp en hátt í 20 manna hópur heldur utan í fyrramálið til að styðja þá,  þeirra á meðal verða bræður mínir Dóri og Heimir - rosalega verður gaman hjá þessum hópi að horfa á íslenska áhöfn í stórri rallkeppni - bara líf og fjör. Íslenskir  fjölmiðlar munu vonandi gera þessu góð skil því Dannig &co sem og íslenskir ralláhugamenn eiga skilið að um þetta sé fjallað. Hérna eru nokkrar bloggsíður þar sem hægt er að fylgjast með um helgina: bloggið hjá Dóra , bloggið hjá Heimi, bloggið hjá Danna, hægt er svo að fylgjast með á heimasíðu rallsins

Rúnar Birgir skrifaði eftirfarandi grein á bloggið sitt í gær og birti einnig á karfan.is sem og sendi hann lesendabréf í Morgunblaðið. ég set hér inn formálan að greininni hans, einnig er hægt að lesa greinina í heild inni  á blogginu hans

Hver er stefnan Sigmundur

Íslandsmótið í körfubolta hófst með formlegum hætti helgina 29.-30. september síðastliðinn með fyrstu leikjum í Íslandsmóti yngri flokka. Í kvöld hefst svo keppni í Iceland Express deild karla með fjórum leikjum og á laugardag hefst keppni í Iceland Express deild kvenna með þremur leikjum. Það hefur skapast hefð að setja Íslandsmótið með formlegum hætti í fyrstu umferð efstu deildar karla. Að þessu sinni verður mótið sett í Vesturbæ Reykjavíkur hjá Íslandsmeisturum KR í DHL höllinni, er þeir taka á móti Fjölni.

Það hefur mikil gróska verið undanfarin ár í körfuboltanum og umfang mótahalds KKÍ hefur aukist ár frá ári og sér ekki fyrir endann á því. Ég tel að margir geri sér í raun ekki grein fyrir því öfluga starfi sem rekið er innan körfuknattleikshreyfingarinnar hringinn í kringum landið. Á þessu keppnistímabili eru alls 35 félög með 49 lið skráð til keppni í meistaraflokk karla auk 14 félaga með 15 lið í meistaraflokki kvenna. Alls tekur 41 íþróttafélag þátt í Íslandsmóti KKÍ í vetur í 15 flokkum. Í fyrstu umferð Íslandsmóts yngri flokka í lok september var keppt í fjórum flokkum í þrettán sveitarfélögum; Hafnarfirði, Hvammstanga, Þorlákshöfn, Vestmannaeyjum, Garðabæ, Höfn í Hornafirði, Akureyri, Ísafirði, Sauðárkróki, Flúðum, Kópavogi, Reykjanesbæ og Selfossi. Þessi upptalning sýnir glögglega hversu vinsæl körfuknattleiksíþróttin er um allt land og undirstrikar þá staðreynd að KKÍ sinnir einu umfangsmesta mótahaldi sérsambanda hér á landi.

Síðastliðinn vetur var góður fyrir körfuboltafólk og var gaman að fylgjast með umræðunni í þjóðfélaginu þegar leið á veturinn. Ég er sannfærður um að þessi vetur verður jafn góður og með samstilltu átaki allra í hreyfingunni getum við gert hann betri.

Að lokum óska ég öllum körfuknatteiksmönnum velfarnaðar og góðs gengis í íþróttahúsum landins, ég hlakka til að hitta ykkur og ræða um körfuboltann.

Áfram körfubolti,
Hannes S.Jónsson
formaður KKÍ

Í dag verður spilað til úrslita um efstu sætin á Evrópumótinu í körfubolta sem fram hefur farið á Spáni undanfarnar tvær vikur og í kvöld verða krýndir nýjir Evrópumeistarar þegar heimamenn mæta Rússum í úrlslitaleiknum. Þrátt fyrir að lítið hafi farið fyrir þessari keppni hjá okkur Íslendingum þá er þetta einn af stærri íþróttaviðburðum sem fram fer þetta árið í íþróttaheiminum, það voru gefin út um 1600 fjölmiðlaleyfi og sýnt er frá þessari keppni til 115 landa víðs vegar um heiminn.

FIBA-Europe bauð formönnum og framkvæmdastjórum aðildarlanda sinna á úrslit EM og því hef ég ásamt Friðiki Inga Rúnarsyni framkvæmdastjóra KKÍ verið hér í Madrid síðan á miðvikudag og tekið þátt í þeirri miklu skemmtun sem fer fram hér á EM og séð körfubolta í hæsta gæðaflokki. Það hefur verið fróðlegt að sjá hversu stór þessi keppni er og m.a. er hér samnkominn fjöldinn allur af stuðningsmönnum liðanna sem og körfuboltaáhugamenn frá öðrum heimshlutum. Evrópskur körfubolti hefur ekki verið í þeirri umfjöllun hjá okkur Íslendingum sem við körfuboltaáhugamenn hefðum viljað en ég vona að breyting verði á, á næstu misserum m.a. með fleiri íslenskum atvinnumönnum í Evrópu. Einnig er keppnisfyrirkomulag Evópukeppninnar með því móti að við fáum sjaldan eða aldrei bestu þjóðir Evrópu heim til Íslands eins og t.d. knattspyrnulandsliðin okkar. FIBA-Europe þyrfti að breyta hjá sér keppnisfyrirkomulaginu til þess að gera evrópskan körfuknattleik vinsælan og sýniegan eins og t.d. á Íslandi.

Netfjölmiðlar eins og karfan.is, mbl.is og visir.is hafa reyndar verið mjög duglegir við að flyta fréttir af keppninni heim til Íslands og þar vil ég sérstaklega þakka þeim félögum á karfan.is fyrir öflugan fréttaflutning af þessari keppni sem og öðrum alþjóðlegum viðburðum körfuknattleik. Ég bind vonir við að íslenskar sjónvarpsstöðvar muni í næstu stórkeppnum í körfubolta gera okkur á Íslendingum kleyft að sjá þennan magnaða körfuknattleik sem er á boðstólum á leikjum sem þessum hér á Spán. Þar sem við Íslendingar erum alltaf dugleg við að miða okkur við Norðurlöndin þá er t.d EM í körfubolta sýnt í Danmörku, Svíþjóð og Finnlandi þrátt fyrir að þessi lönd eigi ekki fulltrúa í keppninni. En ég skynja mikinn áhuga stjórnenda íslenskra sjónvarpsstöðva fyrir því að sýna í framtíðinni frá jafn glæsilegri íþróttakeppni og fer fram hér á EM á Spáni.

Fyrir utan okkur Friðrik Inga eru hér einnig í Madrid 17 manna hópur íslenskra dómara sem komu hingað til þess að fræðast um dómgæslu og er það ánægjulegt fyrir okkur að sjá þann mikla áhuga og ánægju sem íslenskir dómarar hafa á því að læra af þeim bestu hér í Madrid. M.a. komu tveir FIBA-Eurpoe dómarar sem hafa verið að dæma hér hvern stórleikinn á fætur öðrum og miðluðu af reynslu sinni til íslenskra kollega sinna, vel gert hjá stjórn KKDÍ og þeirra félögum.

Með körfuboltakveðju frá EM í Madrid,

Hannes S.Jónsson Formaður KKÍ

Núna þarf að setjast niður og leggja línurnar fyrir næstu keppni sem hefst að ári og aldrei að vita nema að A-landslið karla verði í A-deild Evrópukeppninnar eftir þá keppni.....

Ég vil nota tækfærið í þessari bloggfærslu minni og þakka öllum þeim áhorfendum sem hafa lagt leið sína á leiki landsliðanna okkar undanfarna daga, það er langt síðan að svona vel hefur verið mætt á alla heimaleiki okkar á einu hausti.

Stelpurnar okkar eiga eftir að spila tvo leiki þetta haustið en báðir leikirnir verða á útivelli.  Á laugardaginn næsta munu þær mæta Noregi og laugardaginn þar á eftir mæta þær Írlandi, það verður gaman að fylgjast með stelpunum í þessum leikjum.

 áfram körfubolti

Sjá meir á kki.is

Spánverjar hafa lagt á sig mikla vinnu við að gera þessa keppni sem glæsilegasta og hefur verið mikil eftirvænting eftir þessu stóra viðburði og t.d. varð uppselt á leikina á mjög skömmum tíma, þess má geta að Spánverjar urðu á sl.ári heimsmeistarar í körfubolta

Hægt er að fara á heimasíðu mótsins hér.

Fyrr í dag var haldinn blaðamannafundur þar sem undirritaður var tímamótasamningur við Skeljung hf um samstarf fyrirtækisins við KKÍ. Skeljungur mun verða aðalstuðningsaðili landsliða Íslands í körfubolta til ársloka 2010.

Þetta er í fyrsta sinn sem KKÍ gerir svo stóran samning við einn aðila sem kemur að fjármögnun landsliðs-og afreksstarfs sambandsins. Skeljungur mun koma að starfi landsliðanna, úrvals og afreksbúða KKÍ.

Með þessum öfluga stuðningi Skeljungs getur KKÍ eflt allt það starf sem er í kringum okkar bestu og efnilegustu leikmenn landsins í körfubolta. Stefnt verður að þátttöku yngri landsliða okkar í Evrópukeppni að nýju sem og að fjölga æfingaleikjum eins og kostur er hjá A-landsliðunum fyrir þátttöku þeirra í Evrópukeppnum.

Skeljungur hefur verið einn af samstarfsaðilum KKÍ frá árinu 2004 og hafa stjórnendur fyrirtækisins með þau Gunnar Karl Guðmundsson forstjóra og Guðrúnu Örmólfsdóttur markaðsstjóra í farabroddi séð tækifæri á því fyrir Skeljung að efla samstarfið enn frekar við KKÍ , færi ég þeim þakkir fyrir hönd KKÍ fyrir ánægjulega samvinnu undanfarið og hlakka ég til áframhaldandi samstarfs við þau og aðra starfsmenn Skeljungs.

Áhugi er einnig fyrir því hjá Skeljungi að koma enn frekar að starfi sambandsins með þátttöku í fræðslu-og útrbeiðslumálum körfboltans á komandi árum.

Hannes S. Jónsson
Formaður KKÍ

Á morgun laugardag mun karlalandsliðið okkar mæta frændum okkar Finnum í B-deild Evrópukeppninar, en leikurinn fer að þessu sinni fram í Finnlandi. Löndin hafa mæst oft áður í landsleik en það sem gerir þennan leik óvenjulegan er að í fyrsta sinn er sjónvarpað beint frá landsleik í körfuknattleik af erlendri grundu.

Það er ánægjuefni fyrir okkur körfuboltamenn sem og landsmenn alla að RÚV mun sýna alla heimaleiki landsliðanna, sem fram fara í lok ágúst og byrjun september. Karlaleikirnir fara fram miðvikudagana 29. ágúst og 5. september og verða þeir sýndir fljótlega eftir að þeim lýkur eða kl. 23:25. Leikur kvennaliðsins við Hollendinga verður sýndur beint frá Ásvöllum laugardaginn 1. september kl. 16:00. Eins og leikur karlalandsliðsins við Finnland er sá leikur ekkert merkilegri en hver annar landsleikur, nema ef vera kynni fyrir þá staðreynd að þetta verður í fyrsta sinn þar sem íslenska kvennalandsliðið í körfubolta er sýnt beint í sjónvarpi. Fjöldi sjónvarpsútsendinga frá landsliðum okkar á einu hausti hefur aldrei verið meiri og er það í takt við þann aukna áhuga sem er á körfuboltanum hér landi.

Ágúst og september eru tími A-landsleikjanna á vegum FIBA Europe og eini tíminn því fyrir okkur körfuboltaáhugamenn að sjá A-landslið karla og kvenna spila. Vissulega myndum við vilja hafa leikina dreifðari yfir árið og vonandi kemur sá tími að keppnisfyrirkomula g FIBA Europe breytist til batnaðar.

Landsliðsmálefni KKÍ hafa verið í brennidepli í sumar. KKÍ þurfti að draga úr landsliðsstarfi sínu þar sem fjármagn sambandsins var af skornum skammti . Það er því gleðiefni að segja frá því að verið er að ganga frá samningi við nýjan samstarfsaðila KKÍ sem koma mun að landsliðsstarfi sambandsins og verður sá samingur kynntur í byrjun næstu viku. Það eru því bjartir tímar framundan í íslenskum körfuknattleik.

Ég hvet alla landsmenn að stilla á RÚV á morgun, laugardag, kl. 15:00 og sjá skemmtilegan landsleik í körfubolta, í fyrsta sinn beint frá útlöndum.

Hannes S.Jónsson

Formaður KKÍ

Mér persónulega finnst þetta frábært framtak hjá Glitni og Latabæ að bjóða upp á þetta skemmtillega hlaup en ég held að þátttakan sé orðin það mikikl í þessum viðburði  að það  þurfi að skipta þessu enn meira upp en gert var í gær. Þetta var samt mikil framför frá fyrra ári þar sem allir voru saman en ég held að það megi bara gera enn betur. Við hlupum í síðasta "holinnu" eða kl.15:30 í flokknum 5 ára og yngri.  Ég held að það mætti hafa 5 ára sér, 4 ára sér, 3 ára sér og svo 0-2ára sér ásamt kerrum og vögnum. Ég veit að þetta gæti orðið erfitt í framkvæmd þar sem starfsmenn ÍBR og maraþonsins hafa í nógu að snúast og reyna að gera sitt besta til að þetta fari allt vel fram.  

 En ég ítreka að þetta er flottur viðburður og gaman fyrir krakkana að taka  þátt  og við foreldrar, afar og ömmur  og allir hinu fullorðnu höfum einnig mjög gaman að þessu

 Til hamingju Pétur, Heimir og allir sem hafa verið að aðstoða ykkur í sumar.

Því miður þá duttu Eýjó og Dóri út í gær eftir að hafa keyrt föstudaginn glimrandi vel og um tíma í gærmorgun leit út fyrir að þeir kæmust á verðlaunapall en þá duttu þeir út sem voru mér auðvitað mikil vonbrigði en gleðiefni gærsdagsins Pétur og Heimir  . 

Eftir úrslit gærdagsins  þá erum við allir þrír bræðunir ég, Dóri og Heimir handhafar Íslandsmeistaratitla í 2000 flokki í ralli og allir sem aðstoðarökumenn, Dóri er handhafi titilsins 2001, ég 2002, Dóri aftur 2004 og svo Heimir nú 2007.

ég óska einnig Danna og Ástu til hamingu með Íslandsmeistaratitilinn í heildarkeppninni en með sigrinum í rallinu í gær tryggðu þau sér þann titil nú annað árið í röð.

Lokaúrslit alþjóðarallsins er hægt að sjá hér

Bræður mínir Dóri og Heimir eru að standa sig vel ásamt sínum samkeppendum en Eyjó og Dóri eru nú fyrir lokadaginn í 4.sæti í heildarkeppninni eftir að hafa keyrt frábærlega í dag. Þeir voru í 20.sæti þegar keppni hófst í morgun en þeir sprengdu í gær og töpuðu þónokkrum tíma en góð keyrsla í dag hefur skilað þeim 4.sætiinu nú í kvöld. 

Pétur og Heimir eru einnig að keyra flott og standa sig mjög vel þeir eru í 8.sæti í heildarkeppninni en eru í forystu bæði í 1600 og 2000 flokknum, núna eiga þeir bara að keyra morgundaginn "save" og gulltryggja sér Íslandsmeistatitlana í báðum flokkunum sem yrði glæsilegur árangur hjá þeim á sínu fyrsta ári saman.

Það yrðu einnig ánægjulegt fyrir okkur bræðurna því þá værum við allir þrír búnir að hampa Íslandsmeistaratitli í 2000 flokknum  og allir þrír í  aðstoðarökumannsætinu, ég varð Íslandsmeistari 2002 í þessum 1600flokknum  og 2000flokknum þegar ég keppti með Hlöðveri Baldurssyni og einnig enduðum við Hlölli í 2.sæti í heildarstigakeppninni á Íslandsmótinu og ákvað ég að leggja nóturnar frá mér þá um haustið eftir skemmitlegt rallsumar 2002.  Dóri varð meistari árið á undan eða 2001 þegar hann og Hlölli kepptu saman og sigruðu 2000 flokkinn og svo sigruðu þeir 2000 flokkinn aftur  2004 þegar þeir voru aftur saman. En Pétur og Heimir verða að klára morgundaginn svo þetta gangi nú eftir og það eru margir kílometrar eftir en í rallinu og alllt getur gerst,  ég geri ráð fyrir að það sé sögulegt afrek í rallinu hér á landi og þótt víðar væri leitað í öðrum íþróttagreinum á Íslandi  ef við bræður náum þessum skemmtilega árangri að hafa allir hampað sama  Íslandsmeistaratitlinum. Ég mun fylgjast spenntur með strákunum og vona að báðir "mínir" bílar í keppninnu muni skila sér á endamark seinnipart morgundags.

Bloggssíða Dóra brósa

Rally Reykjavík   

FRÉTTATILKYNNING FRÁ OFFICE 1  

Föstudaginn 20. júlí kemur út á enskri tungu 7. og síðasta bókin í bókaflokknum um Harry Potter. Gífurleg spenna ríkir um sögulokin í þessum vinsælasta bókaflokki allra tíma og víst er að dyggir íslenskir lesendur bíða óþreyjufullir tíðinda af örlögum helstu sögupersóna bókaflokksins. Office 1 mun opna allar sínar verslanir kl. 23:01 föstudagskvöldið 20. júlí og hefja sölu bókarinnar. Verslanir Office 1 í Reykjavík eru í Skeifunni 17 og Smáralind.  Á landsbyggðinni eru Office 1 verslanir á Akureyri, Egilsstöðum, Ísafirði, Selfossi og í Vestmannaeyjum. Spennandi glaðningur fylgir hverju keyptu eintaki af nýjustu Harry Potter bókinni alla helgina í verslunum Office 1.