þvílíkur leikur

Það verður að segjast alveg eins og er að leikurinn í Vesturbænum í kvöld var hin besta skemmtun og bauð uppá allt það sem körfuboltinn getur boðið uppá -  því miður varð annað liðið að detta út úr keppninni og ég fann verulega til með Snæfellingum því þeir voru svo sannarlega nálægt því að sigra.   

Ég held að það hafi ekki farið á milli mála í kvöld úrslitakeppnin okkar þetta árð  í Iceland Expressdeild karla er einhver sú besta skemmtun sem boðið hefur verið uppá í íslensku íþróttalífi undanfarin ár. Ég vil nota þetta tækifæri og þakka Snæfellingum og Grindvíkingum fyrir þeirra stóra þátt í því að allstaðar þar sem maður kemur þá er fólk að ræða um körfuboltann og allir hafa skoðun á honum - það er bara GAMAN.  Núna tekur við eingvígi á milli Njarðvíkinga og KR-inga um það hvort liðið muni hampa Íslandsmeistaratitlinum síðar í þessum mánuði og mig er farið að hlakka verurlega til að fylgjast með því einvígi. ÁFRAM KÖRFUBOLTI.....

KR í úrslit eftir sigur á Snæfelli í framlengdum leik

skemmtileg lesning

Í kvöld fara fram oddaleikirnir i undanúrslitum Iceland Express deildar karla og verður mikið fjör á báðum leikstöðum. Eins og ég hef sagt áður hér þá eru mörg félög sem leggja mikinn metnað í fréttaflutning á  heimasíðum sínum í körfunni. Núna er spennan farin að magnast upp fyrir kvöldið og gaman hefur verið að fylgjast með heimasíðum félaganna í gær og í dag, hérna er linkur inná þessar síður félaganna sem berjast munu í kvöld um að leika til úrslita um Íslandsmeistaratitilinn í Iceland Express deild karla þetta vorið. 

frekar skrítið

Ég skil vel að stjórnmálafokkarnir séu að berjast við að fjármagna kosningabaráttu sína um þessar mundir og reyni með öllum ráðum að safna peningum.  

Mér finnst samt frekar skrítið að VG biðji Alcan um að fjármagna hlut í kosningabaráttu sinni  og mjög "ótaktískt" hjá Vinstri grænum að gera þetta. VG hefur barist mjög hart gegn álversframkvæmdum og mjög margir aðilar innan VG börðust mjög hart gegn stækkun álvers í Hafnarfirði þar sem Alacan tapaði miklu fjármagni á því hvernig þær kosningar fóru. Svo koma fulltrúar VG og biðja Alcan um pening....mér finnst það frekar skrítið og í raun þá er ég hissa á Vinstri grænum að gera þetta. 

VG óskuðu eftir fjárstuðningi Alcan

fróðlegt

Það er alltaf gaman að velta þessum blessuðu skoðanakönnunum fyrir sér og sérstaklega þegar aðeins rétt mánuður er til alþingiskosninga og fjörið að fara að ná hámarki.

Það er ánægjulegt að sjá Sjálfstæðisflokkinn eins sterkan og hann er nú og greinilegt að stór hluti landsmanna vill sjá þennan öfluga flokk áfram við landsstjórnina. VG enn  stærri en Samfylkingin og það sem meira er að þessir "stóru" vinstri flokkar eru saman jafnstórir og Sjálfstæðisflokkurinn og það hlýtur að vera áhygjuefni fyrir vinstri menn þegar svo stutt er til kosninga. Að vísu held ég að Samfylkingin eigi eftir að sækja dálítið á og muni að lokum verða talsvert stærri en VG. Fylgi Framsóknar kemur ekkert á óvart og ekkert nýtt þar á ferð. Ég veit satt best að segja ekki alveg hvað verður um Frjálslynda  en ætli þeir muni ekki ná 3-4 þingmönnum á lokasprettinum en Íslandshreyfingin er að mínu mati ekki nógu sterkt til að koma manni að á þing.

En þetta eru nú allt bara óvísndalegar pælingar á skírdagsmorgni hjá mér og fróðlegt verður að fylgjast með kosningabaráttunni áfram. Ég hef ávallt stutt Sjálfstæðisflokkinn  en ég mun ekki gera upp hug minn fyrr en ég sé afstöðu allra stjórnmálaflokkana til íþróttamálana og bíð spenntur eftir þeim svörum.

Sjálfstæðisflokkur með rúm 40% og VG með 21%

flott á Ásvöllum í gær

Mig langar að hrósa stjórn körfuknattleiksdeildar Hauka fyrir flotta athöfn í hálfleik á leik Hauka og Keflvíkur í úrslitum Iceland Expressdeild kvenna. Ljósin voru slökkt í íþróttahúsinu og nýkrýndir Íslandsmeistarar Hauka í MB10ára drengja voru kallaðir fram og fékk hver leikmaður páskaegg frá Góu að gjöf frá deildinni. Stundum gleymist það  að gera vel fyrir yngri iðkendurnar,  þetta var mjög skemmtilega framsett hja Haukafólki í gærkvöldi. Hérna er hægt að sjá mynd af Íslandsmeisturum Hauka í MB10 ára drengja

karfan.is

ég hvet alla íþróttaáhugamenn til að skoða mjög góðan vef sem fjallar um körfuknattleikinn vídd og breidd en það er karfan.is.  Jón Björn og hans félagar  eiga heiður skilið fyrir frábæra og vel unna heimasíðu.

Dagbjört fékk ferð til Stokkhólms

Borgarskot Iceland Express hefur tekist mjög vel í úrslitakeppnum Iceland Expressdeildanna og nú í kvöld á leik Hauka og Keflavíkur vann Dagbjört Leifsdóttir sér inn ferð fyrir tvo til Stokkhólms með því að hitta úr 3.stiga skoti sínu. Á hverjum leik í úrslitakeppnum Iceland Expressdeildanna fá einstaklingar að reyna sig á Borgarskotinu og geta unnið ferð til einhverns af áfangastöðum Iceland Express. Dagbjört er níunda í röð sigurvegara í Borgarskotleiknum - frábært framtak hjá Iceland Express 

Haukar unnu Keflavík í fyrsta leiknum

Til hamingju Stjarnan

Þar sem ég var á leik Hauka og Keflavíkur í úrslitum Iceland Expressdeildar kvenna þá gat ég verið í Kennó áðan  þegar Stjarnan sigraði Val um laust sæti í Iceland Expressdeildinni næsta tímabil. Ég óska Stjörnunni og Garðbæingum til hamingju með að vera kominn í hóp þeirra best í karlakörfunni. Stjörnumenn ætla sér örugglega  að vera í deild þeirra bestu um ókomin ár og verður gaman að fylgjast með körfunni í Garðabænum á næstu árum. Stjarnan var síðast  í efstu deild keppnistímabilið 2001/2002 

Stjarnan vann sér sæti í úrvalsdeildinni

körfuboltinn er frábær skemmtun

Undanfarna daga þá hefur körfuboltinn og þá aðallega Iceland Expressdeildir karla og kvenna verið mikið í umræðunni í þjóðfélaginu. Það hefur verið frábær skemmtun að fara á alla þá körfuboltaviðburði sem boðið hefur verið uppá undannfarið og ég verið stoppaður núna nokkrum sinnum "út á götu" af fólki sem segir mér að það sé að fylgjast með körfunni og gaman sé að sjá þá uppsveiflu sem er hjá okkur í körfuknattleikshreyfingunni. En það eru ekki bara meistaraflokkarnir sem hafa verið að standa sig vel því mjög gaman er að sjá þá miklu leikni sem krakkarnir í yngri flokkunum hafa verið að sýna í vetur og ljóst er að mikill efniviður er á ferð í yngri flokkunum okkar.

Núna hafa þegar verið krýndir nokkrir Íslandsmeistarar en mjög mikið er framundan á næstunni. Í kvöld hefjast úrslitin á milli Hauka og Keflavíkur í úrslitum Iceland Expressdeildar kvenna, Valur og Stjarnan mætast í hreinum úrslitaleik um að hvort liðið fylgir Þór frá Akureyri upp í Iceland Expressdeildina að ári. Á morgunn skírdag fara fram oddaleikirnir í undanúrslitum Iceland Expressdeildar karla,  svona gæti ég haldið áfram en læt það vera í bili.

Mótahald okkar körfuboltafólks er víðamikið og með með því víðamesta sem um getur í íþróttahreyfingunnu hér á land og því miður þá er það stundum þaning að manni langar að sjá fleiri en einn viburð sem eru gangi hverju sinni eins og t.d. í kvöld en  ég  mun fara í Hafnarfjörðinn og sjá fyrsta leikinn hjá kvenfólkinu í úrslitum Iceland Expressdeildar kvenna og fylgjast með leik Vals og Stjörnunar í gegnum síma. 

spurningar fyrir stjórnmálaflokanna

Ég er einn af þeim sem finnst að ríkisvaldið eigi að gera betur í framlögum sínum til íþróttahreyfingarinnar. Það fer ekki á milli mála að framlög ríksins hafa aukist verulega á síðustu tveim-þrem árum til íþróttahreyfingarinnar og  er það þakkarvert en staðreyndin er nú samt sú að ríkisvaldið þarf að gera miklu betur en gert hefur verið. Íþrótta-og Ólypíusamand Íslands hefur sent öllum framboðum stjórnmálaflokka fyrir komandi kosningar nokkrar spurningar og verða svörin  kynnt opinberlega þegar líður á aprílmánuð. Ég  hvet ykkur að fara inn á vef ÍSÍ og kíkja spurningarnar.